સુદૂર પરદેશમાં તનય સંગ ર્ હેવા મળે,
છતાં વતન સાંભરે, સ્વજન યાદ આવ્યાં કરે!
સવાર પડતા જ સાંજ ઢળતી હશે ત્યાં; અરે,
પ્રશાંત મમ પિંડમાં સમયચક્ર ટિક્ ટિક્ કરે!
ગમે રિષિકુમારનું hug, ઘણું ગમે બોલવું
અમેરિકન સ્ટાઈલમાં – હસન ચંદ્રના બિંબશું!
અમેરિકન* પૌત્ર ને તમિલ છો અમારી વહુ :
પ્રશસ્ત ગુજરાતનું `જ્જવળ ભવિષ્ય સૌમાં લહું!’
અપાર પરદેશમાં ધન હશે, હશે સભ્યતા;
પરંતુ નિજ દેશમાં તનયનાં રહ્યાં મૂળિયાં :
પ્રકુલ્લિત કુટુંબ હો – ઉભયનું અહોભાગ્ય કે
અમે સહુ કૃપાલુની પરમ દૃષ્ટિ આરાધીએ!
દિનાંત `ગુડ નાઈટ’ ન્હૈં, `જય શ્રીકૃષ્ણ’ સ્નેહાર્દ્ર ક્હૈ
કરે ચરણસ્પર્શ એ કલિયુગી ચમત્કાર ન્હૈં?
* અમેરિકન સીટીઝન
💓 touching