તારી કૃપા – પ્રત્યેક ડગલું માંડવું,
તારા જ ટેકે ચાલવું ટેકા વિના;
તારા ભરોસે તો ભરોસો બાજી પર :
છે જીતવું જોક્કર બની એક્કા વિના!
આ વિકૃતિ વાણી અને ચ્હેરા તણી :
છે સ્વીકૃતિ – હે નાથ! સંધિ આપણી;
તારી જ સામે એક દીની મેચમાં
સો ઝીંકવા ચોક્કા અને છક્કા વિના!
છે મંદ કૈં વ્યાધીશ્વરાની ઉગ્રતા,
પૂજા કરું વણીશ્વરીની મૌનમાં
બોલાય જેવું, જેટલું તું બોલજે;
આલાપજે બારાખડી કક્કા વિના!
લે ભોગવી આ જન્મનું આ જન્મમાં
કયાં છે ઉધારી દેવના દરબારમાં?
એકાદ એવી આત્મગાથા સંભવે? –
બેચાર જેનાં પૃષ્ઠ હો છેકા વિના!